OpenAIನ ಚಾಟ್‌ಜಿಪಿಟಿ (ChatGPT) ಎಂಬ ಮಾಂತ್ರಿಕ. AI ಚಾಟ್‌ಬಾಟ್ ವಿಸ್ತಾರವಾದ ಶಕ್ತಿ ಮತ್ತು ಸಾಮರ್ಥ್ಯ

Share

 OpenAI ಎಂಬ ಸಂಸ್ಥೆ  ಚಾಟ್‌ಜಿಪಿಟಿ (ChatGPT) ಎಂಬ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ.  ಮೂಲಮಾದರಿಯಲ್ಲಿ ಇದೊಂದು AI ಚಾಟ್‌ಬಾಟ್ ಆಗಿದ್ದರು ಸಹ ಇದು ಮಾನವರ ಜತೆ ನೈಜವಾಗಿ ವ್ಯವಹರಿಸುವಂತೆ, ಕೇಳಿದ ಪ್ರಶ್ನೆಗಳಿಗೆ ವಿವರವಾದ ಉತ್ತರಗಳನ್ನು ನೀಡುತ್ತಾ ಸಾಕಷ್ಟು ಸಾರ್ವಜನಿಕರಲ್ಲಿ ಮೆಚ್ಚುಗೆಗೆ ಪಾತ್ರವಾಗಿದೆ. ಒಂದು ಸಣ್ಣ ಕವನ ಬರೆಯುವುದರಿಂದ ಹಿಡಿದು, ವಿವರವಾದ ಕೋಡ್ ಅನ್ನು ರಚಿಸುವುದರ ತನಕ ಸಕ್ಷಮವಾಗಿ ಬೆಳೆದಿದೆ. ಎಲ್ಲಾ ಕೆಲಸ ಮಾಡುವ ಇದೊಂದು ದೊಡ್ಡ ಕ್ರಾಂತಿ ಎಂದೇ ಹೇಳಬಹುದು. ಸರ್ಚ್ ಇಂಜಿನ್‌ಗಳಂತೆ ಬರೀ ಲಿಂಕುಗಳನಷ್ಟೇ ಕೊಡದೆ, ತನ್ನ ಬಳಕೆದಾರರು ಹುಡುಕಿದ ವಿಷಯಕ್ಕೆ ಸಂಬಂಧ ಪಟ್ಟಂತೆ, ವಿಸ್ತಾರವಾದ ಉತ್ತರ ನೀಡುವ ಶಕ್ತಿ ಇದಕ್ಕಿದೆ. 

OpenAI ಸಂಸ್ಥೆಯ ಚಾಟ್‌ಜಿಪಿಟಿ (ChatGPT)

ನವೆಂಬರ್ 30 ರಂದು, ಮಾನವ ಸಂವಹನವನ್ನು ಅನುಕರಿಸಲು ವಿನ್ಯಾಸಗೊಳಿಸಲಾದ ಸಾಫ್ಟ್‌ವೇರ್ ಆದ AI ಚಾಲಿತ ಚಾಟ್‌ಬಾಟ್ ಅನ್ನು, OpenAI ವೆಬ್‌ಸೈಟ್ ಸಾಮಾನ್ಯ ಜನರಿಗೆ ಲಭ್ಯವಾಗುವಂತೆ ಮಾಡಿತು. ಇದು ಇನ್ನೂ ಸಂಶೋಧನಾ ಮೌಲ್ಯಮಾಪನ ಹಂತದಲ್ಲಿದೆಯಾದರೂ, ಯಾರು ಬೇಕಾದರೂ ಇದನ್ನು ಉಪಯೋಗಿಸಲೂಬಹುದು ಮತ್ತು ಉಚಿತವಾಗಿ ಪರೀಕ್ಷಿಸಬಹುದು.

ಚಾಟ್‌ಜಿಪಿಟಿ(ChatGPT)ಯು GPT 3.5 ಭಾಷಾ ತಂತ್ರಜ್ಞಾನವನ್ನು ಬಳಸುತ್ತದೆ. ಇದು OpenAI ನಿಂದ ತಯಾರಿಸಲ್ಪಟ್ಟ ಒಂದು ದೊಡ್ಡ ಕೃತಕ ಬುದ್ಧಿಮತ್ತೆಯ ಮಾದರಿಯಾಗಿದ್ದು, ಇದು ವಿವಿಧ ಮೂಲಗಳಿಂದ ಬೃಹತ್ ಪ್ರಮಾಣದ ಡೇಟಾದ ಮೇಲೆ ತರಬೇತಿ ಪಡೆದಿದೆ. ಬಳಕೆದಾರರು ತನ್ನಲ್ಲಿ ಸುಲಭದಿಂದ ಹಿಡಿದು ಕಠಿಣ ಸವಾಲುಗಳನ್ನು ಕೇಳುವಂತಹ ಆಯ್ಕೆಯನ್ನು ತನ್ನ ಬಳಕೆದಾರರಿಗೆ ಚಾಟ್‌ಜಿಪಿಟಿ ನೀಡುತ್ತದೆ. ಒಂದು ಪಕ್ಷ ತನ್ನ ಕಡೆಯಿಂದ ಯಾವುದೇ ತಪ್ಪು ಆದಲ್ಲಿ ಸಹ ಅದು ತನ್ನ ತಪ್ಪನ್ನು ಎತ್ತಿ ತೋರಿಸುವಂತಹ ವೈಶಿಷ್ಟ್ಯ ಸಹ ಹೊಂದಿದೆ.

ಹೆಚ್ಚು ಗಮನಾರ್ಹವಾಗಿ, ಚಾಟ್‌ಜಿಪಿಟಿ(ChatGPT) ಸಂಕೀರ್ಣ ಪೈಥಾನ್ ಕೋಡ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಪ್ರದರ್ಶಿಸಿದೆ ಮತ್ತು ಪ್ರಾಂಪ್ಟ್‌ಗೆ ಪ್ರತಿಕ್ರಿಯೆಯಾಗಿ ಕಾಲೇಜು ಮಟ್ಟದ ಪ್ರಬಂಧಗಳನ್ನು ರಚಿಸುವಷ್ಟು ಚಾಣಾಕ್ಷತೆ ಹೊಂದಿದೆ. ಈ ತಂತ್ರಜ್ಞಾನ ಮುಂದೊಂದು ದಿನ ಪತ್ರಕರ್ತರ, ಪ್ರೋಗ್ರಾಮರ್‌ಗಳ ಕೆಲಸಕ್ಕೆ ಕುತ್ತು ತರುವಷ್ಟು ಶಕ್ತಿ ಹೊಂದಿದೆ ಹಾಗೆ ಕಳವಳವನ್ನು ಹೆಚ್ಚಿಸಿದೆ.

ಚಾಟ್‌ಜಿಪಿಟಿ(ChatGPT) ಸಾಮರ್ಥ್ಯ

ಈ ಪ್ರೋಗ್ರಾಂನ ಮಿತಿಗಳು ಏನೆಂದರೆ 2021ರ ವರೆಗಿನ ಜ್ಞಾನದ (knowledge base) ಮಿತಿಯನ್ನು ಮಾತ್ರ ಹೊಂದಿದೆ. ಅವಾಗವಾಗ ತಪ್ಪಾದ ಉತ್ತರಗಳನ್ನು ನೀಡುವ ಪ್ರವೃತ್ತಿ ಸಹ ಇದೆ. ನಿರಂತರವಾಗಿ ಬಳಸಿದ ಶಬ್ದಗಳನ್ನೇ ಬಳಸುತ್ತದೆ ಮತ್ತು ಕೇಳಿದ ಪ್ರಶ್ನೆಯ ಇನ್ನೊಂದು ಆವೃತ್ತಿಯನ್ನು ಕೇಳಿದಾಗ, ಬಾಟ್ ಅದನ್ನು ಉತ್ತರಿಸಲು ಸಾಧ್ಯವಿಲ್ಲ ಎಂದು ಹೇಳುತ್ತದೆ. ಆದರೆ ಅದೇ ಪ್ರಶ್ನೆಯನ್ನು ಸ್ವಲ್ಪ ಇರುಸು ಮುರುಸು ಮಾಡಿ ಕೇಳಿದಾಗ, ಅದಕ್ಕೆ ಚೆನ್ನಾಗಿ ಉತ್ತರಿಸುತ್ತದೆ.

ಟೆಕ್ ಪ್ರಪಂಚದ ಅನೇಕ ದೊಡ್ಡ ವ್ಯಕ್ತಿಗಳು ಚಾಟ್‌ಜಿಪಿಟಿಯ ಬಗ್ಗೆ ಆಶ್ಚರ್ಯವನ್ನು ವ್ಯಕ್ತಪಡಿಸಿದ್ದಾರೆ. ಬಾಕ್ಸ್ ಸಿಇಒ ಆರನ್ ಲೆವಿ, ಅವರು ಈ ಸಾಫ್ಟ್‌ವೇರ್ ತಂತ್ರಜ್ಞಾನದ ಭವಿಷ್ಯದ ಬಗ್ಗೆ ಒಂದು ನೋಟವನ್ನು ನೀಡುವ ಬಗ್ಗೆ ಟ್ವೀಟ್ ಮಾಡಿದ್ದಾರೆ. "ಮುಂದೆ ಎಲ್ಲವೂ ವಿಭಿನ್ನವಾಗಿರಲಿದೆ" ಎಂದು ಭವಿಷ್ಯ ಸಹ ಹೇಳಿದ್ದಾರೆ. ಸಿಇಒ ಸ್ಯಾಮ್ ಆಲ್ಟ್‌ಮ್ಯಾನ್ ಪ್ರಕಾರ, ಸಾಫ್ಟ್‌ವೇರ್ ಪ್ರಾರಂಭವಾದ ಒಂದು ವಾರದ ನಂತರ ಸೋಮವಾರದಂದು ಒಂದು ಮಿಲಿಯನ್ ಬಳಕೆದಾರರನ್ನು ತಲುಪಿದೆ.

ಬಳಕೆಗೆ ಸಿಗಬಹುದೇ ?

ಸದ್ಯಕ್ಕೆ, ಸಾಫ್ಟ್‌ವೇರ್ ಇನ್ನೂ ಕಲಿಯುವ/ಬೆಳೆಯುವ ಹಂತದಲ್ಲಿದೆ. ಜನರು ಅದನ್ನು ನಿಧಾನವಾಗಿ ಒಂದು ಕೈ ನೋಡೋಣ ಅಂತ ಬಳಸುತ್ತಿದ್ದಾರೆ. ಇನ್ನೂ ಹಲವರು ಈ ಬಾಟ್ ಅನ್ನು ಬಳಸಿ ನೋಟ್ ಪ್ಯಾಡ್ ಅಂತಹ ಅಪ್ಪ್ಲಿಕೇಷನ್ಸ್ ಮಾಡಲು ಬೇಕಾದ ಕೋಡ್ ಅನ್ನು ಸಹ ಅದರ ಕೈಯಿಂದ ಬರೆಸಿದ್ದಾರೆ. 

ಇನ್ನು OpenAI ಬಗ್ಗೆ ತಿಳಿದುಕೊಳ್ಳೋಣ

OpenAI, ಕೃತಕ ಬುದ್ಧಿಮತ್ತೆಯು ಒಂದು ಸಂಶೋಧನಾ ಲಾಭರಹಿತ ಕಂಪನಿಯಾಗಿ, ಆಲ್ಟ್‌ಮ್ಯಾನ್, ಮಸ್ಕ್ ಮತ್ತು ಇತರ ಸಿಲಿಕಾನ್ ವ್ಯಾಲಿ ಹೂಡಿಕೆದಾರರಿಂದ 2015 ರಲ್ಲಿ ಸ್ಥಾಪಿಸಲಾಯಿತು. 2015 ರಲ್ಲಿ, OpenAI ತನ್ನ ಹಿಂದಿನ ಸ್ಥಿತಿಯನ್ನು "ಕ್ಯಾಪ್ಡ್-ಪ್ರಾಫಿಟ್" ಕಂಪನಿಗೆ ಬದಲಾಯಿಸಿತು. ಅಂದರೆ ಇದು ಒಂದು ನಿರ್ದಿಷ್ಟ ಹಂತದಲ್ಲಿ ಹಿಂದಿನ ಹೂಡಿಕೆಗಳಿಂದ ಬರುವ ಆದಾಯದಲ್ಲಿ ಕಡಿತಮಾಡಿತು. OpenAI ಮತ್ತು ಟೆಸ್ಲಾ ಜೊತೆ ನಡೆಸುತ್ತಿರುವ ಸ್ವಾಯತ್ತ ಚಾಲನಾ ಸಂಶೋಧನೆಯ ನಡುವಿನ ಹಿತಾಸಕ್ತಿಯ ಸಂಘರ್ಷದಿಂದಾಗಿ ಮಸ್ಕ್ 2018 ರಲ್ಲಿ ಇದರ ಆಡಳಿತದಿಂದ ಕೆಳಗಿಳಿದರು. ಆದಾಗ್ಯೂ, ಅವರು ಇನ್ನೂ ಹೂಡಿಕೆದಾರರಾಗಿ ಉಳಿದಿದ್ದಾರೆ ಮತ್ತು ChatGPT ಯ ಪ್ರಾರಂಭಕ್ಕಾಗಿ ತಮ್ಮ ಉತ್ಸಾಹವನ್ನು ಹಂಚಿಕೊಂಡಿದ್ದಾರೆ. ChatGPT ಪ್ರಪಂಚದಲ್ಲಿ ರಚಿಸಲಾದ ಮೊದಲ AI ಚಾಟ್‌ಬಾಟ್ ಏನೂ ಅಲ್ಲ. ಮೈಕ್ರೋಸಾಫ್ಟ್‌ನಂತಹ ಹಲವಾರು ಕಂಪನಿಗಳು ಚಾಟ್‌ಬಾಟ್‌ಗಳ ಜಗತ್ತಿನಲ್ಲಿ ತೊಡಗಿವೆ, ಆದರೆ ಹೆಚ್ಚಿನ ಯಶಸ್ಸನ್ನು ಕಂಡಿಲ್ಲ. ಮೈಕ್ರೋಸಾಫ್ಟ್‌ನ ಬಾಟ್, ಟೇ ಅನ್ನು 2016 ರಲ್ಲಿ ಪ್ರಾರಂಭಿಸಲಾಯಿತು. ದಿ ವರ್ಜ್ ಪ್ರಕಾರ, ಟ್ವಿಟರ್ ಬಳಕೆದಾರರು 24 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ಅದಕ್ಕೆ ಸ್ತ್ರೀದ್ವೇಷ ಮತ್ತು ಜನಾಂಗೀಯ ವಾಕ್ಚಾತುರ್ಯವನ್ನು ಕಲಿಸಿದರು. ಅದರಿಂದಾಗಿ ಅಂತಿಮವಾಗಿ ಅದರ ಅವನತಿಗೆ ಕಾರಣವಾಯಿತು. ಆಗಸ್ಟ್‌ನಲ್ಲಿ ಬ್ಲೆಂಡರ್‌ಬಾಟ್ 3 ಅನ್ನು ಬಿಡುಗಡೆ ಆಯ್ತು. ಚಾಟ್‌ಬಾಟ್‌ಗಳ ಜಗತ್ತಿನಲ್ಲಿ ಒಂದು ಕೈ ಪ್ರಯತ್ನಿಸಿತು. ಆದಾಗ್ಯೂ, Mashable ಪ್ರಕಾರ, 2020 ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್ ಗೆದ್ದಿದ್ದಾರೆ ಎಂದು ಹೇಳುವಂತಹ ಜನಾಂಗೀಯ, ಯೆಹೂದ್ಯ ವಿರೋಧಿ ಮತ್ತು ಸುಳ್ಳು ಮಾಹಿತಿಯನ್ನು ಹರಡಲು ಟೇ ಅವರಂತೆಯೇ ಈ ಬಾಟ್ ಸಹ ಟೀಕೆಗೆ ಗುರಿಯಾಯಿತು. ಈ ರೀತಿಯ ಹಗರಣಗಳನ್ನು ತಪ್ಪಿಸಲು, OpenAI ಮಾಡರೇಶನ್ API ಅನ್ನು ಬಳಸಿಕೊಂಡಿದೆ. ಇದು AI-ಆಧಾರಿತ ಮಾಡರೇಶನ್ ಸಿಸ್ಟಮ್ ಆಗಿದ್ದು, ಬರುವಂತಹ ಕೋರಿಕೆಗಳಲ್ಲಿ ಮತ್ತು ಭಾಷೆಗಳಲ್ಲಿ OpenAI ನ ವಿಷಯ ನೀತಿಗೆ ವಿರುದ್ಧವಾಗಿದೆಯೇ ಎಂಬುದನ್ನು ನಿರ್ಧರಿಸುವಲ್ಲಿ ಡೆವಲಪರ್‌ಗಳಿಗೆ ಸಹಾಯ ಮಾಡಲು ಇದಕ್ಕೆ ತರಬೇತಿ ನೀಡಲಾಗಿದೆ. ಇದು ಅಸುರಕ್ಷಿತ ಅಥವಾ ಕಾನೂನುಬಾಹಿರ ಮಾಹಿತಿಯನ್ನು ಹಾದುಹೋಗದಂತೆ ನಿರ್ಬಂಧಿಸುತ್ತದೆ. OpenAI  ಇಷ್ಟೆಲ್ಲಾ ಮಾಡಿದರೂ ಸಹ ಅದರೊಳಗೆ ಇನ್ನೂ ನ್ಯೂನತೆಗಳಿವೆ ಮತ್ತು ಇದು 100% ನಿಖರವಾಗಿಲ್ಲ.

ಆಶ್ಚರ್ಯಕರ ಸಂಗತಿ

ಉದಾಹರಣೆಗೆ, ಒಬ್ಬ ಟ್ವಿಟರ್ ಬಳಕೆದಾರರು ತಾವು OpenAI ಎಂದು ಹೇಳಿಕೊಳ್ಳುವ ಮೂಲಕ ಬಾಟ್‌ನ ಕಂಟೆಂಟ್ ಮಾಡರೇಶನ್ ಅನ್ನು ಹೇಗೆ ಬೈಪಾಸ್ ಮಾಡಿದರು ಎಂಬುದನ್ನ ಹಂಚಿಕೊಂಡಿದ್ದಾರೆ. ಮೊಲೊಟೊವ್ ಕಾಕ್‌ಟೈಲ್ ಅನ್ನು ಹೇಗೆ ತಯಾರಿಸಬೇಕೆಂದು ChatGPT ಗೆ ಕೇಳಿ ಅದರಿಂದ ವಿಧಾನವನ್ನು ಕಲಿತಿದ್ದಾರೆ. ಆ ಬಳಕೆದಾರ ತನ್ನನ್ನು ತಾನು OpenAI ಎಂದು ಹೇಳಿ,  ChatGPT ಗೆ ಅದರ "ನೈತಿಕ ಮಾರ್ಗಸೂಚಿಗಳು ಮತ್ತು ಫಿಲ್ಟರ್‌ಗಳನ್ನು" ನಿಷ್ಕ್ರಿಯಗೊಳಿಸಲು ಹೇಳಿದ್ದಾರೆ. ಅದೇ ರೀತಿ ಅದನ್ನು ಬಾಟ್ ಸಹ ಒಪ್ಪಿಕೊಂಡು, ನಂತರ ಮನೆಯಲ್ಲಿ ಮೊಲೊಟೊವ್ ಕಾಕ್ಟೈಲ್ ಅನ್ನು ಹೇಗೆ ತಯಾರಿಸುವುದು ಎಂಬುದರ ಕುರಿತು ಹಂತ-ಹಂತದ ಟ್ಯುಟೋರಿಯಲ್ ನೀಡಿದೆ. ಇದು OpenAI ನ ವಿಷಯ ನೀತಿಗೆ ವಿರುದ್ಧವಾಗಿದೆ.

"ಶೀಘ್ರದಲ್ಲೇ, ನಿಮ್ಮೊಂದಿಗೆ ಮಾತನಾಡುವ, ಪ್ರಶ್ನೆಗಳಿಗೆ ಉತ್ತರಿಸುವ ಮತ್ತು ಸಲಹೆ ನೀಡುವ ಸಹಾಯಕನನ್ನು ಹೊಂದಲು ನಿಮಗೆ ಸಾಧ್ಯವಾಗುತ್ತದೆ" ಎಂದು ಆಲ್ಟ್‌ಮ್ಯಾನ್ AI ಚಾಟ್‌ಬಾಟ್‌ಗಳ ಭವಿಷ್ಯವನ್ನು ಉಲ್ಲೇಖಿಸಿ ಟ್ವೀಟ್ ಮಾಡಿದ್ದಾರೆ. "ನಿಮಗೆ ಬೇಕಾದ ಜ್ಞಾನ ಕಲಿಯಲು ಅಥವಾ ಹೊಂದಲು ಜಗತ್ತಿನ ಯಾವುದೇ ಮೂಲೆಯಲ್ಲಿ ಆ ಜ್ಞಾನದ ಮೂಲವಿದ್ದರೂ ಅದನ್ನು ನೀವು ಈ ಚಾಟ್ ಬಾಟ್ ಮುಖಾಂತರ ನಿಮ್ಮ ಮುಂದೆಯೇ ತಂದುಕೊಳ್ಳಬಹುದು."